videshee lo pharm aur vakeel bhaarat mein kaanoonee praiktis nahin kar sakate: supreem kort

supreem kort ne 13 maarch 2018 ko ek mahatvapoorn phaisale mein kaha ki videshee vakeel, videshee lo pharm aur kampaniyaan bhaarat mein kaanoonee praiktis nahin kar sakate.

jastis aadarsh kumaar goyal aur jastis uday umesh lalit kee peeth ne bhaarateey vidhigy parishad (beeseeaee) kee apeel ka nipataara karate hue bombe aur madraas uchch nyaayaalayon ke phaisalon ko maamoolee sanshodhanon ke saath barakaraar rakha.

supreem kort dvaara die gae nirdesh:

• supreem kort ne briten, amerika, phraans aur aastreliya kee 30 kampaniyon kee baat sunate hue kaha ki kaanoon seva pradaata ye videshee kampaniyaan tatha videshee vakeel bhaarat mein videshee kaanoon ke sandarbh mein apane muvakkilon ko salaah de sakate hain, lekin keval asthaayee taur par.

• ye kampaniyaan aur aise vakeel, haalaanki sthaayee taur par kaaryaalay kholane ke bajaay ‘aao aur jao’ (phlaee in end phlaee aaut) kee avadhaarana par amal karate hue kaanoonee seva muhaiya kara sakate hain.

• supreem kort ne kaha ki videshee vakeel antararaashtreey vyaapaarik vivaadon se sambandhit madhyasthata maamalon mein pesh ho sakate hain, lekin yah sambandhit sanstha ke niyamon par nirbhar karega

• supreem kort ne beeseeaee aur kendr ko isake lie kaayade-kaanoon taiyaar karane ko kaha hai.

bhaarateey vidhigy parishad (beeseeaee) kee daleel:

• bhaarateey vidhigy parishad (beeseeaee) ne gat 10 janavaree ko nyaayaalay mein daleel dee thee ki videshee lo pharm aur videshee vakeelon ko desh bhaarat mein tab tak praiktis kee anumati nahin dee ja sakatee jab tak ve bhaarateey niyamon par khara nahin utarate.

• beeseeaee kee or se varishth adhivakta seeyoo sinh ne madraas uchch nyaayaalay ke phaisale ka purajor virodh kiya tha. unhonne daleel dee thee ki adhivakta adhiniyam 1961 kee sharton aur beeseeaee ke niyamon par khara utare bagair koee videshee kampanee ya vakeel kaanoonee vaad athava madhyasthata maamale mein pesh nahin ho sakata.

bhaarateey vidhigy parishad:

bhaarateey vidhigy parishad ek vyaavasaayik viniyaamak sanstha hai jo bhaarat mein vidhik vyavasaay evan vidhik shiksha ka niyaman karatee hai. yah ek svaayatt sansthaan hai.

yah parishad vyaavasaayik aacharan evan shishtaachaar evan vidhi shiksha ke maanak tay karatee hai. isakee sthaapana varsh 1961 mein huee thee

videshee lo pharm aur vakeel bhaarat mein kaanoonee praiktis nahin kar sakate: supreem kort