cheen kee sansad ne raashtrapati pad kee samay seema samaapt kar dee

cheen kee sansad ne raashtrapati pad kee samay seema samaapt kar dee

cheen kee sansad ne 11 maarch 2018 ko ek aitihaasik phaisala lete hue raashtrapati pad kee samay seema samaapt kar dee hain.

cheen kee kamyunist paartee kee kendreey samiti ne sanvidhaan mein sanshodhan karake raashtrapati aur uparaashtrapati ke do kaaryakaal kee samay seema ko samaapt karane ka prastaav pesh kiya tha.

cheen ke raashtrapati shee chinaphing ab cheen kee kamyunist paartee ke sansthaapak cheyaramain maotsetung ke baad aajeevan satta mein bane rahane vaale pahale cheenee neta honge.

vot se sambandhit mukhy tathy:

cheen kee sansad neshanal peepuls kaangres (enapeesee) ne raashtrapati aur uparaashtrapati ke kaaryakaal kee seema khatm karane ke seepeesee ke prastaav ko manjooree dee.

cheenee sansad ke 2,963 pratinidhiyon mein se teen matadaan se door rahe jabaki do pratinidhiyon ne kamyunist paartee kee shaktishaalee kendreey samiti kee or se pharavaree mein prastaavit sanvidhaan sanshodhan ke viruddh vot daale. matadaan mein ilektronik voting masheen ke bajaay matapatr ka istemaal kiya gaya

shee jinaping:

shee jinaping tab tak cheen ke raashtrapati bane rahenge jab tak vah avakaash nahin lete ya unaka nidhan nahin ho jaata ya unako satta se hataaya nahin jaata.

kamyunist paartee ke mahaasachiv ke alaava shee jinaping cheen kee sena ke sarvochch nikaay kendreey sainy aayog ke bhee adhyaksh hain. haalaanki cheen mein paartee ke mahaasachiv ka pad raashtrapati se jyaada shaktishaalee hai kyonki raashtrapati aamataur par baaharee duniya ke saath kaary vyaapaar karate hain.

shee chinaphing varsh 1974 mein cheen kee kamyunist paartee (seepeesee) mein shaamil hue. unhen varsh 2008 mein cheen ka uparaashtrapati banaaya gaya. ve varsh 2012 mein kamyunist paartee ke mahaasachiv aur militree kameeshan ke cheyaramain bane. ve ek saal baad cheen ke raashtrapati bane.

puraana kaanoon kya tha?

puraane kaanoon ke mutaabik cheen mein kisee vyakti ko lagaataar do baar hee raashtrapati pad ke lie chuna ja sakata tha.

bhaarat par prabhaav:

shee chinaphing ka kaaryakaal aseemit karane par duniya bhar mein khaasakar padosee deshon mein chinta paida huee hai. pichhale saal ke dokalaam gatirodh ko dekhate hue bhaarat par isaka vishesh taur par prabhaav padega. shee chinaphing ke netrtv mein cheen bhaarat ke padosee deshon mein arabon dolar nivesh kar raha hai. inamen kashmeer se hokar gujarane vaala cheen-paakistaan ikonomik koreedor, nepaal, shreelanka aur maaladeev mein kanektivitee pariyojanaen shaamil hain. inase bhaarat ke lie rananeetik chunautiyaan badhee hain.

prshthabhoomi:

cheen mein anishchitakaal tak shaasan ka niyam pahale bhee rah chuka hai. maotse tung cheen ke bahut bade kraantikaaree, raajanaitik aur kamyunist dal ke neta the. cheenee kraanti ka janak kaha jaata hai. unhonne bahut lambe samay tak cheen par shaasan kiya tha. maotse tung kee maut ke baad satta mein aae deng shiyoping ne varsh 1982 mein anishchit kaal tak kisee vyakti dvaar satta mein bane rahane ka niyam khatm kar diya tha. unhonne samay seema anishchit kaal se hataakar 10 saal kar dee thee.